תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב
 
האזנה לפרק זה

איוב פרק לה

א                  וַיַּעַן אֱלִיהוּ, וַיֹּאמַר.
ב  הֲזֹאת, חָשַׁבְתָּ לְמִשְׁפָּט;    אָמַרְתָּ, צִדְקִי מֵאֵל.
ג  כִּי-תֹאמַר, מַה-יִּסְכָּן-לָךְ;    מָה-אֹעִיל, מֵחַטָּאתִי.
ד  אֲנִי, אֲשִׁיבְךָ מִלִּין--    וְאֶת-רֵעֶיךָ עִמָּךְ.
ה  הַבֵּט שָׁמַיִם וּרְאֵה;    וְשׁוּר שְׁחָקִים, גָּבְהוּ מִמֶּךָּ.
ו  אִם-חָטָאתָ, מַה-תִּפְעָל-בּוֹ;    וְרַבּוּ פְשָׁעֶיךָ, מַה-תַּעֲשֶׂה-לּוֹ.
ז  אִם-צָדַקְתָּ, מַה-תִּתֶּן-לוֹ;    אוֹ מַה-מִּיָּדְךָ יִקָּח.
ח  לְאִישׁ-כָּמוֹךָ רִשְׁעֶךָ;    וּלְבֶן-אָדָם, צִדְקָתֶךָ.
ט  מֵרֹב, עֲשׁוּקִים יַזְעִיקוּ;    יְשַׁוְּעוּ מִזְּרוֹעַ רַבִּים.
י  וְלֹא-אָמַר--אַיֵּה, אֱלוֹהַּ עֹשָׂי:    נֹתֵן זְמִרוֹת בַּלָּיְלָה.
יא  מַלְּפֵנוּ, מִבַּהֲמוֹת אָרֶץ;    וּמֵעוֹף הַשָּׁמַיִם יְחַכְּמֵנוּ.
יב  שָׁם יִצְעֲקוּ, וְלֹא יַעֲנֶה--    מִפְּנֵי, גְּאוֹן רָעִים.
יג  אַךְ-שָׁוְא, לֹא-יִשְׁמַע אֵל;    וְשַׁדַּי, לֹא יְשׁוּרֶנָּה.
יד  אַף כִּי-תֹאמַר, לֹא תְשׁוּרֶנּוּ;    דִּין לְפָנָיו, וּתְחוֹלֵל לוֹ.
טו  וְעַתָּה--כִּי-אַיִן, פָּקַד אַפּוֹ;    וְלֹא-יָדַע בַּפַּשׁ מְאֹד.
טז  וְאִיּוֹב, הֶבֶל יִפְצֶה-פִּיהוּ;    בִּבְלִי-דַעַת, מִלִּין יַכְבִּר.

תנ"ך - איוב - הכול
פרק א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב